Grelh Roergàs. Rendut-compte moral de las activitats dempuèi lo 5 d’agost de 2019

Dempuèi nòstra darrièira amassada a Sant Falíç, malgrat la caganha, nos sèm pas perdut de vista. Ambe lo C.A. nos sèm telefonats brave quatre còps e l’ordinador a caufats mai que de costuma. Tot còp, d’unses de nantres nos sèm retrobats.
Doncas, dempuèi lo mes d’agost de 2019, sèm pas demorats una man sus l’autra1 e nos sèm bolegats coma de diables.
La Revista Canta-Grelh es pareguda cada tres meses e a l’ora ! Podèm mercejar Patricià e los autors qu’an mandats d’articles o balhadas de las novèlas. Pensam que sètz contents de son contengut per que fasèm pel melhor. Vos demandam, atanben, de nos mandar d’articles, son la benvenguda e òblidèssetz pas de la far conéisser, ne val lo pet.
La caissa ! nòstre tresaurièr vo’n parlarà. Sabètz, una Societat viu pas d’aiga canda, mas, ambe, los escotissons ( cotisacions). N’i a que se fan espeltirar las aurelhas e, tot còp, cal sonar la rampelada. Lo Paul, velha sus la dintrada dels sòusses. Los esparnha coma s’èran seus. Las nièiras dins lo borson an pas bona vida que los...