Cronica occitana. Noms de mestièrs, noms de familha

Bulletin d'Espalion del dijaus 29 de julhet passat, fasiá la “una” amb la remesa per André Valadier dels insignes d'oficièr del Merit agricòla al buronièr Paul Fournier. Abans d'èstre de noms de familha, aqueles dos noms d'origina occitana ( Fornièr e  Valadièr) foguèron de noms de mestièrs. Es al cors de l'Edat mejana, a comptar del sègle XII en , que de noms complementaris : noms d'ostal, noms de mestièrs… venguèron de noms de familha ; s'ajustèron al primièr nom, generalament un prenom. Coma los prenoms (d'origina latina o germanica) èran pas tant nombroses qu'aquò, arribava sovent que dins un vilatge o encara mai dins una vila doas o tres  personas portèsson lo meteis prenom. Es par las diferenciar qu'un segond nom se venguèt ajustar al prenom  – podiá èstre lo nom...